Accir d tamdint, tebɛed ɣef unẓul-asammar n Lzzayer s kra n yikilomitren. Tenulfa-d di lqarn 324 hiǧri, (935-936), tezga-d s daxel Tittri meqqren tettusbeded  sɣur Ziri Ben Menad, agellid n isanhaǧen, di lqarn wis mraw di tallit nni n sidna ɛisa, seg ugdez n Zirid.

Mgal Izenatiyen n utaram n Lzzayer, i yellan tettabeɛ El Amawiyin , Ziri ibedd ɣer yidis n Lifatimid n tefriqt.

Tajmilt ilmend n tmeẓla iga, aladɣa mbaɛd tagrawla n Abu Yazid, « Argaz d weɣyul »

ɣef  waya i d as-fkan azref, ad yili  d aqaru fell-as, ad as-fken i netta agdez, imi yella-d uɣelluy n tgelda.

Rnu ɣer waya, ad naf daɣen sin imeskaren iɛraben El bekri, akked Ibn Al Atir, d mmi-s n Ziri Buluɣin  yessbded Accir tamezwarut di 974, syin ɣer-s tis snat 977.

Yessersel daɣen kraḍet n yiɣerman nniḍen, Lzzayer (sur le site de l’antique lcosium), Melyana, Lemdiya. Accir, tella tamanaɣt tamezwarut n Zirid i yettwabnan, daɣen yurda deg wayen i d-yeǧǧa ukreffu, deg kraḍet n tefyar.

Di tazwara yella-d, deg ugafa n kef Al-Axdar, i d yezgan di tqacuct. D yiwet n tiɣremt zin-as-d isafen si yal tama. Tiɣremt-agi fkan-as isem n yellis n ugellid  anda akken tella tettidir  « Manzah Bint Ssultan », di tlemmast ad tafeḍ yiwet n tnuṭfi d tmezduɣin timeqqranin i d-yellan deg lmendad, ger tɣawsisin nniḍen tella teqcelt d tḥanutt. S yin ɣer-s, ɣef tesga n udrar tettwabna temdint nniḍen zzin-as s leswaṛ, akken daɣen yezmer lḥal anda yella lɛinser iwummi qqaren « Ɛin Yacir » i d tamdint n Ziri.

Berra n wannar ttbanent-d amzun akken d imdunen, seg wayen i d-yeǧǧa ugaluz n yiɣrem s yeblaḍen i yesɛan cbih ɣer yiɣrem n xalifa fatimid di Mahdiya, yellan di Tunes.

S ya d sin ikilomitren ɣef wanada llan yigulaz n temdint tis kraḍet, Benia tettwabna ɣef yiwen wannar yecceḥrurfen anda llan wṭas yigulaz, ladɣa timesgida yesɛan ṣsat  yecḍaḍ d ukuẓet  n tɣaltin.

Ɛla ḥsab n unmezray aṛumi « William Marçais » dagi tarza kraḍet n usnulfu tin ɣef tin i d-yesebganen amecwar n ugdez n senhaǧa Zirid. Marçais iwala d akken ala tamdint tis snat i yebna  Zirid mačči kan ɛla ǧal n uɣbalu i wumi fkan isem n Accir, maca ɣef yidra n yiɣrem i bnan am wakken yebna wina n Lqayim.

Nekkni nezra lxalifa n fatimid tɛawen di lebni Accir imi tceyyeɛ imasdagen, s inmahalen, s ingawen. Benia i d-ibanen s yer zdat di Accir tettwabna sɣur Boloɣin i d-yellan s ddaw laɛnaya n El-Bekri akked Ibn Al Atir.

Accir zzin-as-d leswar ɛlayen, d tkessart si yal tama d ayen isaɛben akken ad tawḍeḍ ɣur-s.

Di lqarn wis 11 di tallit ni n sidna Ɛisa, yura El Bekri d akken ur telli ara di tamnaḍt irkelli adeg izewren yurzen am win yecban Accir : Tamḥadit n ugama mraw n yemdanen imastanen zemren ad tqamen.

Iwakken ad yeččar tamanaɣt-ines s wagdud, Ziri yewwid ilmezyen n Tobna, n Msila, akked Hamza ( tubert tura akka), syin d asawen yerna-d Tlemsen,  yella-d wayen ilaqen akken ad teddun akken iwata tamanaɣt : Aɣrem, Imezdaɣ, timesgidiwen, isensa, lhamamat….

Tamdint yennerna ccan-is tesɛa azal, tuɣal d ammas n tdamsa urmid d umbaddal ger temnaḍin uzawaɣ akked tɣaltin n daxel, maca daɣen d ammas adelsan d ayen inejren abrid iwakken ad ufraren imusnawen d imesnazrafen d inaẓuren.

Di 972, Xalifa n fatimid El Muɛiz yefna si Lmerruk yerra metwal Maṣer, iwekel-as sseriya n tedbelt n tefriqt i mmi-s n Ziri di Buluɣin. Yeǧǧa Accir iwakken ad yidir di Lqirawan, maca ur yegzim ara assaɣen akked Accir anda tettidir twacult-is.

S yin d asawen, Accir akked timiwin i as-d-yezzin tella ddaw laɛnaya n Banu Hammad asmi d- ḥalan timunent n Zirid, gren-tt mbaɛd aseggem i d-yellan di 2017, di yal aḥric.

Accir yella deg-s tmaɛ ad tbeddel ad tekker i tikkelt nniḍen ad t-id-yuɣal rruḥ.

Deg useggas 1048, Yusuf ḥmmad i tt-yedmen, deg useggas 1076 Zenata ttwastaɛmren. Di 1101 hudden-tt i tiikelt nniḍen Banu Ḥammad sɣur Tacfin Ben Tinamer amasiw n Tlemsen.

Tikkelt nniḍen tɛawed-as tiyita sɣur Ɣazi Asanhaǧi deg useggas 1184 Mbaɛd mi tettuɛawed lebni, si tallit-agi ur nɛawed nesla i yisem n Accir, imi seg aṭas aya segmi teɣli seg asmi tella aken tamaneɣt yesɛan tamlilt.

Yeqim-d deg-s siwa kra n usedli seg temdint taqdimt di tallit nni talemmast.

Isem n Accir asusru-ines tura akka El Accir neɣ Yaccir tiswiɛin. D awal i d-yekkan seg yimaziɣen anamek-is « iccer » mebla ccek fkan-as isem-agi ilmend n tɣessa-s, d aɣen d isem  n yiwet n tfewwart ger tfewwarin iseččen tikkwal akka tamdint.

Benia tamdint i d-iqerben ɣer Accir yezmer lḥal ad yili d awal n taɛrabt anamek-ines « lebni ».

M.A. HADDADOU

Aɣbalu : Infosoir

Conception et Hébergement : kdconcept