Nuɣ tanumi nesfuggul imulliyen n tmettanin, tikkelt-a d asfillet i lxir, ad as-neg tameɣṛa i usilal n tlalit n Dda Lmulud At Mɛemmer.

« Iriri-a n wazal (i Mouloud Mammeri) tesɛa azal meɣɣren ladɣa imi ay d-tella deg tegnit n welday n tewwura aydeg tuɣal tmaziɣt d tutlayt tunṣibt, taɣelnawt deg tmenḍawt ».

« Tadyant-a d tin ara yeǧǧen daɣ kra n tmuɣliwin iɣelḍen ad ttwasseɣtunt akken ad msuɣalen Yidzayriyen d tutlayin-nsen mebɛid ɣef tiḍḍurfa ».

« Azwur-a nezmer ad t-nwali d netta ay d abrid imxeyyer n wemselɣu gar Yidzayriyen ay yukin dakken nitni d arraw n wakal-a yernu sɛan idles-nsen ibanen ».

« Amulli wis 22 n ussebded n Useqqamu Unnig i Timmuzɣa yeɣli-d d wayyur n Mayu, yernu d ayen ifazen imi ay yeddukkel waya d wesfugel n umulli n Mouloud Mammeri ».

« Mouloud Mammeri d aggag maci iḍelli kan ay d-yennulfa, yernu iga akk ayen umi yezmer akken ad yesmel idles amaziɣ ».

« Mouloud Mammeri d amaray ameqran n ssinima, yella yesɛa idles d alqayan deg wenrar n ssinima yernu yella d amdan yessnen ama d tira, ama d tugna. D netta ay ifersen anrar i ssinima tamaziɣt. »

« Mouloud Mammeri yefka telqey taseklant i ssinima yernu yella-d d aferras deg wenrar-a ».

« Asarag-a yesɛa azal meɣɣren. Tiṣekkiwin n Mouloud Mammeri ay d-ssezgen ɣer ssinima llant-d d lemzeyya i yedles adzayri ».

« Tiṣekkiwin n umaru-a d wemnadi ameqran yessefk ad ttwazerwent seg yal idis".

« Tadyant-a d attekki ameqran deg usseḍher n tesmedna n yemxemmemen idzayriyen am Mouloud Mammeri ».

 « Mammeri yesɛedda acḥal netta yessawal ɣef yedles aɣerfan, acku yella yeẓra dakken idles adzayri yedduri deg timawit ».

« Tesɛa zzheṛ ssinima imi ay d-tufa timawit mazal-itt tedder, acku d taneggarut-a ay d-yessawaḍen tugna deg lbal n wegdud yernu aḍfar n webrid-a yettili-d i lfayda n yemseḍru ».

Conception et Hébergement : kdconcept