WEHRAN - Mouloud Mammeri "d yiwen n waggag n usrag amezwaru i yefkan akk ussisen-is i usmal n yidles amaziɣ", i d-yezzireg, ass n ssebt deg Wehran, umseḍru, azaɣan akked usdawan Ahmed Bedjaoui.

Deg yiwen n yinaw i umi isemma ‘’ Mouloud Mammeri, d anagi, d asegbar, seg yimezwura n Umezruy aɣerfan’’, yenna-t-id deg ukatar n umyigger ussnan n sin wussan i d-ssuddsen deg Umezgun amnaḍan n Wehran (TRO) "Abdelkader Alloula",  deg ukatar n usfugel n useggas wis miyya n tlalit n umaru (1917-2017), yesmekti-d Ahmed dakken Mouloud Mammeri d amdan iḥammlen aṭas ssinima ila yiwen n yidles alqayan deg wayen yerzan ssinima akked daɣen d amdan n yimru akked tugna, yerna yenna-d fell-as d amdan seg wid d yeslalen ssinima amaziɣ.

Yebder-d, deg tmuɣli-a, asezgi ɣer ssinima n tṣekka-s "L’Opium et le Bâton" (Lkif d uɛekkaz), i walan d imelyunen n yimeshanayen akked yifetrawen "L’Aube des Damnés" (Tafrara n yimenḥafen) akked "Combien je vous aime" (Acḥal i k-ḥemmleɣ), i ten-yiwennten Abdelkader Alloula i d-yesseḍra Azzedine Meddour.

Ɣur Mass Bedjaoui, "Mouloud Mammeri yewwid i ssinima yiwet n telqey taseklant yerna seg wid yellan d imezwura deg taɣult-a".

Conception et Hébergement : kdconcept