WEHRAN – Aseggas n 2017 d aseggas ayiwnan i lmend n usfugel n useggas wis miyya n tlalit n Mouloud Mammeri, seg yimezwura deg taɣult n timmuzɣa, i yezzireg ass n lǧemɛa deg Wehran Si El Hachemi Assad, Amaray n Usqamu Unnig n Timmuzɣa (HCA).

 

 Asfugel n useggas wis miyya n tlalit n Mouloud Mammeri d tadyant taɣelnawt tameqqrant, d tiririt n uzal i umaru ameqqran akked umesnemdan azzayri’’, i d-yenna Mass Assad, deg yiwen n usarag n tɣamsa i ssuddsen deg Umezgun Amnaḍan n Wehran (TRO) "Abdelkader Alloula" deg ukatar n wussan n tezrawin ɣef tṣekka n de Mouloud Mammeri i umi semman ‘’Taṣekka tamɛemrant, allus n tirzi seg tsekta n tẓuri tis 7’’, ara d-yilin seg 13 ɣer 14 mayu ideg nella deg wehran.

 

 Tadyant-a, ara yekken kra ara yekk useggas n 2017, ters ddaw leɛnaya n uselway n Tegduda Abdelaziz Bouteflika.

 

 I lmend n tegnit-a, Mass Assad izul tikkin n uɣlif n Yidles akked win n Usegmi aɣelnaw, akked lwali n 13 n twilayin ideg la d-ḍerrunt tmekanin-a yemgarden yeqqnen ɣer tedyant-a.

 

 Amaray Amatu n Usqamu unnig n Timmuzɣa, yemmesla-d ɣef udeg n Internet i gan Mouloud Mammeri, s kraḍ (03) tutlayin, yerna yenna-d dakken adeg-a ad yawi talɣa n tewwurt taliktrunant sya ɣer taggara n useggas 2017.

Conception et Hébergement : kdconcept